"Qəbələ” futbol komandası 2016-2017 mövsümünün hazırlıqlarına start verib. Sportnet.az-ın klubun rəsmi saytına istinadən məlumatına görə, Azərbaycan Premyer Liqasının ötən mövsümünün son turundan sonra istirahətə buraxılan "qırmızı-qaralar” iyunun 10-da Bakıda bir araya gəlib.
"Qafqaz City Hotel”də məskunlaşan "Qəbələ” ilk məşqini "Bakı” klubunun bazasında gerçəkləşdirib. Komanda əsasən fiziki təmrinlərə və topsuz çalışmalara üstünlük verib. "Qırmızı-qaralar” növbəti məşqinə bu gün çıxacaq.
Qeyd edək ki, hazırlıq prosesinin ilk mərhələsini paytaxtda keçirən komanda məşqlərini iyunun 15-dək "Bakı" klubunun təlim-məşq bazasında davam etdirəcək. Ardınca ölkə xaricinə yollanacaq Roman Qriqorçukun yetirmələri iyunun 16-dan 26-dək Gürcüstanın paytaxtı Tbilisidə hazırlıq keçəcək.
