Hollandiyanın "Roda" klubu "Qarabağ"ın sabiq futbolçusu Raydell Puponla yollarını ayırıb. klubun rəsmi saytına istinadən məlumatına görə, 29 yaşlı hücumçu ilə müqavilə uzadılmayıb.
Puponla yanaşı, müdafiəçi Aryan Svinkels də komandadan göndərilib. Klub hər iki oyunçu xidmətləri qarşılığında təşəkkür edib və gələcək karyeralarında uğurlar arzulayıb.
Qeyd edək ki, Raydell Pupon "Qarabağ"da 2015-2016 mövsümünün ilk, "Roda"da isə ikinci yarısında çıxış edib. O, Azərbaycan klubunda 15 oyuna 1, Hollandiya komandasında isə 17 oyuna 4 qol vurub. "Qarabağ" mövsümü "qızıl dubl"la, "Roda" isə Erediviziyanı 14-cü pillədə başa vurub.
