Rusiyanın 21 yaşadək futbolçulardan ibarət yığma komandasının baş məşqçisi Nikolay Pisarev Ramil Şeydayevin Azərbaycan vətəndaşlığı alması ilə bağlı məsələni şərh edib. Sportnet.az-ın məlumatına görə, Rusiya Futbol İttifaqının idman direktoru da olan mütəxəssis keçmiş futbolçusunun qərarı ilə bağlı ölkəsinin mətbuatına müsahibə verib. Pisarev ilk olaraq vəziyyətlə bağlı fikirlərini açıqlayıb.
- Biz yaxında Ramillə danışdıq. O, bildirdi ki, yalnız klubunu müəyyənləşdirib. Mən bir daha qeyd etdim ki, biz ona yığmada bel bağlayırıq. Razılaşdq ki, xəbər olan kimi mənə yenidən zəng edəcək. Bildiyimə görə, Ramil yeni klubunu müəyyənləşdirib.
- Bəli, ancaq belə xəbərlər gəlir ki, o, indi vətəndaşlııqla bağlı məsələi aydınlaşdırıb. Belə bir ehtimal var ki, Rusiya vətəndaşlığını Azərbaycana dəyişəcək...
- Mən bu xəbərlərdən narahatam. Onunla söhbət edəndə nəsə məsləhət görürdüm. Dedim ki, qarşıda dünya çempionatı var. Ona xatırlatdım ki, Rusiyanın yeniyetmələr və gənclər yığmalarında oynayıb. Milli komandanın baş məşqçisinin kimliyinə rəğmən, Ramil ora namizəd olacaq.
- Şeydayevə Rusiya klubunda yer tapılmamağına təəccübləndiniz?
- Əlbəttə. Qəribədir ki, "Zenit" ona müqavilə təkkif etməyib. Bütün detalları bilmirəm. Belə baxanda, Sankt-Peterburq onun böyüdüyü şəhərdir. Oranın ikinci komandası var ki, futbolçunu oyun praktikasız qalmağa imkan vermir. Təfərrüatı yalnız klubla futbolçu bilir. Rusiya Futbol İttifaqı və öz adımdan deyə bilərəm ki, Ramil yeniyetmələr, gənclər yığmalarının bütün təlim-məşq toplanışlarına çağırılıb. Biz indi də ona ümid ediirk. Şeydayev bunu bilir.
- Bəlkə hansısa ailə məsələsi vəziyyətə təsir edir?
- Özü bu haqda mənə heç nə deməyib.
- Vəziyyətin necə inkişaf etdiyini başa düşmək üçün AFFA ilə əlaqəniz olub?
- Başa düşürsünüz, biz heç kimə heç nəyi qadağa qoya bilmərik. Vətəndaşlığı tez-tez dəyişirlər. Nümunə üçün uzağa getmək lazı deyil - Noyştedterla bağlı olay yenidir. Hər şey futbolçunun istəyindən asılıdır. Biz öz tərəfimizdən nə bacarırıqsa, edirik.
- Uzun müddət işlədiyiniz futbolçunu itirmək üzücüdür...
- Təbii ki. Özü də onunla erkən yaşlardan birgə olmuşuq. Ümid edirdim və indi də ümid edirəm ki, onu Rusiyada keçirilləcək dünya çempionatında yığmamızın heyətində görəcəyəm.
