Adı müxtəlif klublarla yanaşı hallanan Uesli Sneyderin meneceri futbolçunun yeni mövsümü Türkiyənin "Qalatasaray" klubunda keçirəcəyini bildirib. Sportnet.az-ın məlumatına görə, Quido Albers hollandiyalıya ir çox Avropa klublarından təklif gəldiyini deyib.
O, Fransanın "Monako" klubunun da Sneyderi heyətində görmək istədiyini söyləyib: "Dünya çempionatı ərzində bir çox klub mənimlə əlaqə yaratdı. "Monako"dan təklif gəlib. Ancaq mətbuatda yazılan "Mançester Yunayted"ə keçidi düz deyil. Heç İngiltərə klubundan təklif gəlməyib. Son qərar isə Sneyderin oldu və o "Qalatasaray"da qalmaq istədi. Ünal Aysalla da münasibəti yaxşıdır və hazırda müqavilə müddətini artırmaq haqda düşünürük".
