Avropa Liqasının III təsnifat mərhələsində Gürcüstanın "Çixura" klubu ilə ilk qarşılaşmadan öncə "Neftçi"nin futbolçusu Samir Məsimov jurnalistlərin suallarını cavablandırıb. Sportnet.az-ın məlumatına görə, Məsimov matçın asan olmayacağını bildirib.
O deyib: "İki dəfə "Çixura" ilə təlim-məşq toplanışında qarşılaşmışıq. Rəqib start fitindən son dəqiqəyə qədər mübarizə aparır, çətin rəqibdir. Bundan başqa biz Türkiyədə keçirdiyimiz oyunun qisasını almaq istərdik. İstərdim ki, cütün taleyini evdə həll edək".
