"Neftçi"nin qapıçısı Saşa Stamenkoviç Gürcüstan "Çixura"sı ilə Avropa Liqasının III təsnifat mərhələsinin ilk oyunundan sonra jurnalistlərin suallarını cavablandırıb. Sportnet.az-ın məlumatına görə, serbiyalı qapıçı bəxtsizlikdən şikayətlənib.
O deyib: "Oyun gərgin mübarizə şəraitində keçdi. "Çixura" bugünkü oyunu ilə bura elə-belə gəlmədiyini göstərdi. Qol imkanlarımızın olmadığı fikri ilə razı deyiləm. Sadəcə, tərslikdən top qapıya girmədi. Bugünkü oyunu komandamız üçün şanssızlıq kimi dəyərləndirərdim. Cavab görüşündə lazımi nəticəni göstərərək, növbəti mərhələyə keçməyə çalışacağıq".
Qeyd edək ki, "Neftçi" - "Çixura" matçı qolsuz yekunlaşıb.
