"Mançester Siti”nin baş məşqçisi Pep Qvardiola 4:0 hesabı ilə qalib gəldikləri "Borunmunt” matçından sonra maraqlı açıqlamalar verib.
Sportnet.az-ın İngiltərə mətbuatına istinadən verdiyi məlumata görə təcrübəli mütəxəssis komandasının ulduz futbolçusu Kevin De Bryuyne haqqında xoş sözlər deyib: "De Bryuyne bu günə qədər çalışdığım futbolçular arasında Messidən sonra ən yaxşı futbolçudur”
Qvardiola Mançesterdə Kevin de Bryuyne kimi bir futbolçuya sahib olduğu üçün özünü xoşbəxt hiss etdiyini bildirib : "O oyunu möhtəşəm qurur və meydanda ağıllı futbol sərgiləyir. Fiziki cəhətdən çox güclüdür. Topsuz da çox aqressiv oynayır. Topla olanda isə bir başqadır. Meydanda hər şey edə bilir. Qol vurur, dəqiq paslar verir, asistlər edir”
Qeyd edək ki, Kevn de Bryuyne "Borunmunt" matçında "şəhərlilər"in ilk qolunu vurub.
