Kolumbiyada keçirilən futzal üzrə dünya çempionatında bütün yarımfinalçılar müəyyənləşib.
Sportnet.az-ın məlumatına görə, 1/4 final mərhələsində Azərbaycan millisinə 3:2 hesabı ilə qalib gələn Portuqaliya yığması sonuncu yarımfinalçı kimi Argentinaya rəqib olub. Onlar arasında matç sentyabrın 28-də yerli vaxtla saat 19:00-da başlayacaq.
Bundan 1 gün öncə həmin saatda isə İran və Rusiya yığmaları ilk yarımfinal matçında qarşılaşacaqlar. Final oyunu oktyabrın 1-də yerli vaxtla saat 14:30-da başlayacaq.
Xatırladaq ki, yarmfinal iştirakçıllarından İran Azərbaycanla bir qrupda yer almışdı. Bu yığmalar arasında qrupda son tura təsadüf edən matç 3:3 hesabı ilə nəticələnmişdi. Azərbaycan eyni xal topladığı İranı topların daha yaxşı fərqinə görə qabaqlayaraq qrupdan 2-ci yerlə 1/8 finala çıxmışdı.
