Azərbaycanlı FİFA referisi Avropa Liqasının E qrupunda keçiriləcək "Roma" (İtaliya) - "Astra" (Rumıniya) oyununa təyinat alıb. Sportnet.az-ın məlumatına görə, bu barədə "Report"a 29 yaşlı referinin özü açıqlama verib.
Ə.Ağayev İtaliya paytaxtında keçiriləcək görüşdə ona Zeynal Zeynalov və Rza Məmmədovun yan xətt hakimləri, Mübariz Haşımovun dördüncü hakim, Orxan Məmmədov və Rəhim Həsənovun əlavə köməkçi hakim qismində kömək edəcəklərini bildirib. Azərbaycanlı hakimlər briqadası Romaya sentyabrın 28-də yola düşəcək.
Ə.Ağayev ötən mövsüm Avroliqanın E qrupunda "Rapid" (Vyana, Avstriya) - "Dinamo" (Minsk, Belarus) (2:1) matçını idarə edib. "Ernst Happel” stadionunda baş tutan matçda referinin köməkçiləri Zeynal Zeynalov və Rza Məmmədov, əlavə köməkçi hakimlər Rahim Həsənov və Orxan Məmmədov, 4-cü hakim Mübariz Haşımov olub.
Qeyd edək ki, sentyabrın 29-da keçiriləcək "Roma" - "Astra" oyunu Bakı vaxtı ilə saat 23:05-də başlanacaq.
