"Qəbələ"nin sabiq kapitanı Cavid Hüseynov Azərbaycan Premyer Liqasının ikinci dövrəsinin ilk oyununu "İnter Arena"da izləyənlər arasındadır. Sportnet.az-ın məlumatına görə, həbsdən 3 gün öncə azad olunan 28 yaşlı yarımmüdafiəçi keçmiş komandasının "İnter"lə səfər matçını seyr etmək üçün stadiona gəlib.
Cavid media üçün hazırda çox maraqlı persona olsa da, bir müddət gözləmək lazım gələcək. Belə ki, matçı canlı yayımlayan "CBC Sport"u efirində Hüseynovdan müsahibə almaq üçün müraciət etsələr də, yarımmüdafiəçinin danışmaq fikrində olmadığı bildirdiyi açıqlanıb.
Xatırladaq ki, Cavid vaxtiulə "İnter"də də çıxış edib, hətta ilk çempionluğunu onun heyətində qazanıb.
