"Zaqatala" Azərbaycan çempionatının I Divizionunda "Səbail"lə hazırda keçirilən səfər matçında itki ilə üzləşib. Sportnet.az-ın məlumatına görə, komandanın təcrübəli futbolçularından olan Emin Mehtiyev fasiləyə az qalmış ciddi zədələnib. İlkin məlumata görə yarımmüdafiəçinin topuğu çıxıb.
Mübarizəni davam etdirə bilməyən Mehtiyev meydandan xərəklə çıxarılıb. Həkimlər Eminə meydanın kənarından da tibbi yardım göstərməli olublar. Qonaqlar isə məcburi əvəzləmə ediblər. Uuzn illər Premyer Liqada "Neftçi"də və digər klublarda oynamış Mehtiyev cari mövsümdə 4 qol vurub.
Qeyd edək ki, liderlərin iştirakı ilə keçirilən turun mərkəzi oyununda ilk hissədən sonra hesab 1:1-dir.
