Rusiya "Zenit"inin futbolçusu Aksel Vitsel Çinin "Tyantszin Tsyuantszyan" klubuna keçib. Sportnet.az-ın məlumatına görə, belçikalı yarımmüdafiəçi Fabio Kannavaronun baş məşqçi olduğu komandaya transfer olmağa qərar verib.
Anlaşma müddəti 3 illikdir. Ona ildə 18 milyon avro əmək haqqı veriləcək.
Qeyd edək ki, Aksel Vitselin yayda azad agent kimi İtaliya "Yuventus"una keçəcəyi bildirilirdi. Lakin Çindən daha sərfəli təklifi qəbul edən Vitsel "Qoca Sinyora"dan təklifi qəbul etmədiyi üçün üzr istəyib.
