Pol Klement İngiltərə Premyer Liqasında mübarizə aparan "Suonsi Siti" klubuna baş məşqçi təyin olunub. Sportnet.az-ın məlumatına görə, 44 yaşlı mütəxəssislə 2,5 illik müqavilə bağlanılıb.
Klement bu gün yeni komandasının "Kristal Pelas"la səfərdə keçirəcəyi oyunu tribunadan izləyəcək. O, "Suonsi"nin sükanı arxasında yanvarın 7-də "Hall Siti" ilə İngiltərə Kuboku matçında debüt edəcək.
Klement əvvəllər Almaniya "Bavariya"sının baş məşqçisi Karlo Ançelottinin köməkçisi olub. O, yeni vəzifədə 3 aylıq fəaliyyətindən sonra qovulan Bob Bredlini əvəzləyib.
Qeyd edək ki, "Suonsi Siti" hazırda Premyer Liqada 19 oyundan sonra 12 xalla sonuncu pillədə qərarlaşıb. Daha öncə İtaliya "İnter"inin keçmiş baş məşqçisi Frank de Bur bu komandada çalışmaqdan imtina edib.
