Azərbaycan millisinin futbolçusu Ramil Şeydayev Türkiyənin "Samsunspor" klubunun düşərgəsinə qoşulub. Sportnet.az-ın məlumatına görə, artıq hücumçu yeni komandası ilə məşqlərə başlayıb.
"Trabzonspor"da çıxış edən 20 yaşlı futbolçu ilə yanaşı Göksu Türkdoğan və "Göztəpə"dən Fomaussa Kone də komandanın Antalyadakı toplanışına qatılıb. Şeydayev yeni komandasında icarə əsasında çıxış edəcək.
Qeyd edək ki, Ramil Şeydayev 2016-cı ilin iyulundan "Trabzonspor"da çıxış edib. O, əsas heyətdə möhkəmlənə bilmədiyi üçün icarəyə göndərilib.
