Tanınmış italiyalı FİFA hakimi Nikola Ritsoli 2018-ci ildə Rusiyada keçiriləcək dünya çempionatında iştirak etməyəcək. Sportnet.az-ın məlumatına görə, buna səbəb 45 yaşlı referinin həmin vaxtadək karyetasnı bitirməsidir.
Ritsoli qərarı ilə bağlı İtaliya Hakimlər Assosiasiyasını xəbərdar edib: "Hər bir şeyin əvvəli və sonu var. Geriyə addım atmaq üçün düzgün anı seçmək həmişə vacib və çətindir. Ancaq fikrimcə, bir dəfə qərar qəbul edəndə ona sonadək əməl etmək lazımdır. Mən də həmişə bunu etmişəm. Buna görə məni 2018-ci il dünya çempionatına aparan yoldan imtina etməyi qərara aldım. Bunu minnətdarlıqla bəyan etməyi özümə borc sayıram".
Bu ilin oktyabrın 5-də 46 yaşı tamam olacaq Nikola Ritsoli son mundialda - 2014-cü ildə dünya çempionatının finalında Almaniya - Argentina matçını idarə edib.
