"Kursda iştirak etməyi, ixtisasımı artırmağı vacib saydım".
Bu sözləri Sportnet.az-a açıqlamasında Azərbaycan milli komandasının məşqçisi Mahmud Qurbanov deyib. Aprelin 24-də Bakıda UEFA-nın növbəti "Pro" kateqoriyalı məşqçi kursu start götürəcək. 2018-ci ildə başa çatacaq kursa qatılanlar arasında Qurbanov da var.
44 yaşlı mütəxəssis bildirib ki, gələcəkdə klubda baş məşqçi kimi çalışmağı düşünür. "Məşqçi işi elədir ki, bu gün burdasan, sabah başqa yerdə. Əlbəttə, mən də istərəm gələcəkdə hansısa klubda baş məşqçi qismində çalışam. Lakin istəklə reallıq hər zaman üst-üstə düşmür. Həm də hazırda milli komandada görməli olduğumuz işlər var. Yığmada çalışmaqla təcrübə də toplamış oluram. "Pro" kateqoriyasın alım, imkan düşərsə, baş məşqçi də işləyərəm".
