Azərbaycan Premyer Liqasında XVIII turun "Zirə" - "Qəbələ" matçını izləməyə qonaq komanda azarkeşləri də gəlib.
Sportnet.az-ın məlumatına görə, yolun uzaqlığına baxmayaraq, az sayda "qırmızı-qara"lı fanatlar hələ oyundan bir saat əvvəl Zirə İdman Kompleksinin stadionunun tribunalarında yerlərini tutublar. Onlar təkcə öz komandalarına dəstəklə kifayətlənmirlər. Meydan sahiblərinin futbolçuları isinmə hərəkətləri üçün meydana daxil olduqları vaxt da həmin tərəfdarlar fəallaşıblar. Azarkeşlər hazırda "Zirə"də çıxış çıxış edən qapıçı Anar Nəzirovla müdafiəçi Sadiq Quliyevi də alqışlayıblar. Nəzirov və Quliyev alqışlara eyni qaydada reaksiya verib.
Qeyd edək ki, "Zirə" - "Qəbələ" matçı saat 16:30-da başlanacaq.
