Azərbaycan milli komandasının sabiq futbolçusu Vaqif Cavadov yeni klubunda debüt edib. Sportnet.az-ın məlumatına görə, 28 yaşlı hücumçu AZAL-ın heyətində ilk matçına çıxıb.
Bu, XIX turda "Sumqayıt"la hazırda keçirilən səfər matçında reallaşıb. O, fasilədən dərhal sonra meydana çıxıb. Cavadov əvvəllər olduğu kimi "70 nömrə"li formanı geyinir. Futbolçu topa olanda sumqayıtlı azarkeşlər onu fitə basıblar.
Xatırladaq ki, Vaqif qış fasiləsində "Sumqayıt"dan baş məşqçi Samir Abasovun istəyi ilə getməli olub.
