Almaniyanın "Volfsburq" klubunun baş məşqçisi Valeryen İsmael istefaya göndərilib.
Sportnet.az-ın klubun rəsmi saytına istinadən məlumatına görə, bu qərar "canavarlar"ın Bundesliqanın XXII turunda evdə "Verder"ə 1:2 hesabı ilə uduzduğu oyundan sonra baş verib.
İsmael komandaya mövsümün gedişində qeyri-qənaətbəxş nəticələri ilə əlaqədar qovulmuş Diter Hekkinqin əvəzinə təyin olunub. Hazırda "Volfsburq" 22 xalla 14-cü pillədə qərarlaşıb.
Qeyd edək ki, yeni baş məşqçi bu gün açıqlanacaq.
