"Daniel Seqoviyanı yaxşı tanıyıram. Bizim komandada aparıcı hücumçu idi. Onun Avstriyanı tərk edərək Azərbaycana üz tutduğunu bilirəm". Bu sözləri Sportnet.az-a açıqlamasında Avstriyanın "Sankt Pölten" klubunun futbolçusu Kevin Lukassen keçmiş komanda yoldaşı barədə danışarkən deyib.
Hollandiyalı forvard Seqoviyanın güclü qol duyumu olduğunu söyləyib: "Seqoviyanın Azərbaycandakı çıxışını izləmirəm. Amma onun güclü hücumçu olduğunu deyə bilərəm. Düzdür, Seqoviya ilə yalnız dörd ay birlikdə oynamışıq. Buna rəğmən, onun güclü futbolçu olduğunu gördüm. Təbii ki, "Sankt Pölten” üçün Seqoviyanın gedişi itki sayılmalıdır".
