"Neftçi" ilə matçda çox inamlı təsir bağışladıq. Anlayırdıq ki, bu matçda qalib gələrək mövqeyimizi yaxşılaşdıra bilərik. Ona görə də sona kimi mübarizə aparıb qalib gəldik".
Bunu Sportnet.az-a açıqlamasında "Kəpəz”in futbolçusu Serjinyo "Neftçi"ni 2:0 hesabı ilə yendikləri Azərbaycan Premyer Liqasının XXV tur matçından sonra deyib. Portuqaliyalı futbolçunun fikrincə, qarşıdakı turda da qələbə seriyasını davam etdirmək olar: "Təbii ki, seriyanı davam etdirmək lazımdır. Amma çox çətin olacaq. Çünki "Qəbələ” ilə qarşılaşacağıq. Onlar isə çempionluq mübarizəsi aparır. Hər halda çalışacağıq ki, qalib gələk və dördüncü pilləyə yüksələ bilək. Kollektivdə inam var və sona qədər mübarizə aparacağıq”.
Qeyd edək ki, "Kəpəz" - "Qəbələ" matçı aprelin 16-da Gəncə şəhər stadionunda keçiriləcək.
