Futbol üzrə Çempionlar Liqasında növbəti yarımfinalçı müəyyənləşib.
Sportnet.az-ın məlumatına görə, bu, İspaniya "Real Madrid"idir.
Zinəddin Zidanın baş məşqçi olduğu komanda 1/4 finalda Almaniyanın "Bavariya" klubunu mübarizədən kənarlaşdırıb. Görüşün əsas vaxtı əsas vaxtı münhenlilərin 2:1 hesablı qələbəsi ilə yekunlaşıb. Robert Levandovskinin 53-cü dəqiqədə penaltidən, 100-cü oyununa çıxan Serxio Ramosun isə 78-ci dəqiqədə öz qapısına vurduğu qolun qarşılığında "Real Madrid" 76-cı dəqiqədə Kriştianu Ronaldu ilə sevinib.
İlk görüşdə "kral klubu" eyni hesabla qalib gəldiyindən, hər hissəsi 15 dəqiqədən ibarət əlavə vaxt təyin olunub. Lakin "Bavariya" bu zaman azlıqda olub. 84-cü dəqiqədə Arturo Vidalın qırmızı vərəqə alması "ekstrataym"da sözünü deyib. 105-ci və 110-cu dəqiqələrdə Ronaldu fərqlənərək, Çempionlar Liqasındakı qollarının sayını 100-ə çatdırıb. 112-ci dəqiqədə isə Marko Asensio son nöqtəni qoyub - 4:2.
Beləliklə, ilk 2 yarımfinalçı İspaniyanın paytaxtı Madridi təmsil edən komandalar olub. "Real Madrid"dən əvvəl bu vəsiqəyə "Atletiko" sahib çıxıb. Dieqo Simeonenin baş məşqçi olduğu komanda İngiltərədə 1:0 hesabı ilə yendiyi İngiltərə "Lester"i ilə evdə heç-heçə edib - 1:0.
Qeyd edək ki, daha 2 yarımfinalçı bu gün müəyyənləşəcək. İspaniyada "Barselona" İtaliya "Yuventus"una ilk görüşdəki 0:3 hesablı məğlubiyyətin əvəzini çıxmağa çalışacaq. Fransa "Monako"su isə Almaniyada 3:2 hesabı ilə yendiyi Dortmund "Borussiya"sını qəbul edəcək.
------------------------------------------------
Futbol üzrə Çempionlar Liqasında ilk yarımfinalçı müəyyənləşib.
Sportnet.az-ın məlumatına görə, bu, İspaniya "Atletiko"sudur.
Dieqo Simeonenin baş məşqçi olduğu komanda 1/4 finalda İngiltərənin "Lester" klubunu mübarizədən kənarlaşdırıb. "Atletiko" səfərdəki ilk görüşdən 2:1 hesablı üstünlüklə ayrıldıqdan sonra evdə də uduzmayıb - 1:1. Madrid komandasının qolunu 26-cı dəqiqədə Saul Nyiqes vurub. "Lester"dən isə 61-ci dəqiqədə Ceymi Vardi fərqlənib.
Qeyd edək ki, növbəti yarımfinalçı hazırda İspaniyada "Real Madrid"lə Almaniyanın "Bavariya" komandası arasında keçirilən cavab görüşündən sonra müəyyənləşəcək. Qarşılaşmanın əsas vaxtı münhenlilərin 2:1 hesablı qələbəsi ilə yekunlaşıb. İlk görüşdə "kral klubu" eyni hesabla qalib gəldiyindən, hər hissəsi 15 dəqiqədən ibarət əlavə vaxt təyin olunub.
-----------------------------------------------------
Bu gün futbol üzrə Çempionlar Liqasında 1/4 final mərhələsinin cavab görüşləri start götürəcək.
Sportnet.az-ın məlumatına görə, ilk oyun günündə biri İspaniyada, digəri İngiltərədə olmaqla, iki matç baş tutacaq.
Madriddə turnirin son qalibi olan "kral klubu” "Bavariya”nı qəbul edəcək. Rəqibini Almaniyada keçirilən ilk dueldə 2:1 hesabı ilə məğlub edən ispanlar yarımfinala daha yaxındırlar. Lakin yaxşı formada olan qonaqlar "Real Madrid”i mübarizədən kənarlaşdıra biləcək potensiala sahibdirlər.
"Bavariya”nın heyətində Mats Hummels zədəli, Xavi Martinez cəzalıdır. Zədələrinini sağaldan Manuel Noyer və Robert Levandovskinin oynamaq ehtimalı böyükdür. "Real Madird”də isə Pepe, Rafael Varan və Qaret Beyl zədə üzündən meydana çıxa bilməyəcəklər.
Ötən mövsümün finalçısı olan digər İspaniya təmsilçisi "Atletiko” da yarımfinala yüksəlməyə daha şanslıdır. "Lester”i Madridə baş tutan ilk qarşılaşmada bir cavabsız qolla üstələyən paytaxt klubu İngiltərədə daha çox qapısını toxunulmaz saxlamaq barədə düşünəcək.
İngiltərə Premyer Liqasının son qalibinin heyətində Ues Morqan, Molla Vaqe, və Nampali Mendi zədəli, Robert Hut cəzalıdır. "Atletiko”da isə Auqusto Fernandes ilə Şime Vrsalko zədədən əziyyət çəkir.
Çempionlar Liqası
1/4 final, cavab oyunları
18 aprel
22:45 "Real Madrid” (İspaniya) - "Bavariya” (Almaniya) - 4:2 (əsas vaxt - 1:2)
Qollar: Kriştianu Ronaldu, 76; 105; 110. Marko Asensio, 112 - Robert Levandovski, 53-penalti ilə. Serxio Ramos, 78-öz qapısına
Qırmızı vərəqə: Arturo Vidal, 84 ("Bavariya")
Baş hakim: Viktor Kaşşai (Macarıstan)
İlk oyun – 2:1
22:45 "Lester” (İngiltərə) – "Atletiko” (İspaniya) - 1:1
Qollar: Ceymi Vardi, 61 - Saul Nyiqes, 26
Baş hakim: Canluka Rokki (İtaliya)
İlk oyun – 0:1
