"Sumqayıt” klubu Azərbaycan Premyer Liqasının XXVI turunda "Zirə” ilə matçda baş hakim Əliyar Ağayevi təhqir etdiyi üçün AFFA İntizam Komitəsi tərəfindən 4 oyun cəzalanan Nicat Muxtarovu komandada saxlayacaq. Bu barədə Sportnet.az-a Sumqayıt təmsilçisinin menceri Ceyhun Sultanov məlumat verib.
O, bildirib ki, qərarla bağlı apellyasiya şikayəti verməyəcələr. Lakin fubolçu klub tərəfindən cəzalandırılacaq: "AFFA İntizam Komitəsini qərarı ilə bağlı apellyasiya şikayəti verməyəcəyik. Nicat Muxtarov klub tərəfindən cəzalandırılacaq, lakin komandadan göndərilməyəcək. Onun "Sumqayıt”la 2018-ci ilin iyununa qədər müqaviləsi var”.
Qeyd edək ki, IV İslam Həmrəyliyi Oyunlarında iştirak edəcək 23 yaşadək futbolçulardan ibarət Azərbaycan mili komandasının geniş heyətində yer alan Nicat Muxtarov 4 oyunluq cəzalanmaqla yanaşı 3200 manat cərimələnib.
