FIFA-nın prezidenti Canni İnfantino "Qarabağ"ı Azərbaycan çempionu olması münasibətilə təbrik edib. Sportnet.az-ın AFFA-nın rəsmi saytına istinadən məlumatına görə, İnfantino bununla bağlı AFFA prezidenti Rövnəq Abdullayevə məktub ünvanlayıb.
O, dünya futbol ictimaiyyəti adından "Qarabağ"ın Premyer Liqada 2016/2017-ci il mövsümünün qalibi olması, Çempionlar Liqasına vəsiqə qazanması, gözəl oyunu ilə azarkeşlərinə böyük sevinc yaşatması münasibətilə təbrik edib, daha böyük uğurlar arzulayıb.
