"Sumqayıt"ın baş məşqçisi Samir Abasov komandanı "Qəbələ" ilə Azərbaycan Premyer Liqasının son tur matçından sonra istirahətə buraxmayıb.
Sportnet.az-ın məlumatına görə, futbolçular hələ bir həftə də məşq edəcəklər. Səbəb "gənclik şəhəri" təmsilçisinin Kamerunun 23 yaşadək futbolçulardan ibarət yığması ilə yoldaşlıq görüşüdür. Afrikalılar IV İslam Həmrəyliyi Oyunları ilə əlaqədar Bakıya gələcəklər. Onlar mayın 8-də Azərbaycan millisi ilə ilk görüşə çıxacaqlar.
Qeyd edək ki, "Sumqayıt" - Kamerun matçı mayın 5-də "Kapital Bank Arena"da olacaq.
