Zinəddin Zidan ömrünün sonuna qədər İspaniyanın "Real Madrid" komandasının baş məşqçisi ola bilər.
Sportnet.az-ın məlumatına görə, bu barədə klub prezidenti Florentino Peres "Cadena Ser" radiosuna müsahibəsində bildirib.
Peres deyib: "Klubun hər bir pərəstişkarı ona minnətdardır. Zidan 2001-ci ildə "Real Madrid"ə gələndə dünyanın ən yaxşı oyunçusu idi. İndi dünyanın ən yaxşı baş məşqçisidir. O, komandaya 17 aydır rəhbərlik edir. Amma çox şeylər əldə edib".
Öz növbəsində fransalı mütəxəssis də final matçından sonra keçirdiyi mətbuat konfransında bildirib ki, qarşıdakı mövsümdə komandaya rəhbərlik edəcək.
Qeyd edək ki, Zinəddin Zidan "Real Madrid"ə 2016-cı ilin yanvarından rəhbərlik edir. O, Çempionlar Liqasının tarixinə turnirdə kommandasını ardıcıl iki dəfə qalib etmiş baş məşqçi kimi düşüb. Bu dəfə Zidanın komandası finalda İtaliya "Yuventus"una 4:1 hesabı ilə qalib gəlib.
