"Sumqayıt" heyətini daha bir oyunçu ilə gücləndirib. Sportnet.az-ın xəbərinə görə, "Qəbələ"də çıxış etmiş Ramil Həsənov qarşıdakı bir ili "Sumqayıt"da keçirəcək. Gənc hücumçu "gənclik şəhəri" təmsilçisi ilə bir illik müqavilə imzalayıb. Forvard artıq "Sumqayıt"ın heyətində fərqlənməyi də bacarıb. Belə ki, bu gün "Səbail"lə keçirilən yoxlama görüşündə meydana start heyətində çıxan Həsənov bir qol vurub.
Qeyd edək ki, Ramil Həsənov Simferopolun "Tavriya" klubunun yetirməsidir.
