"Qarabağ”ın baş məşqçisi Qurban Qurbanov Çempionlar Liqasının II təsnifat mərhələsində Gürcüstan təmsilçisi "Samtredia” ilə cavab matçı ərəfəsində media mənsublarının suallarını cavablandıracağı vaxt açıqlanıb.
Sportnet.az-ın məlumatına görə, 45 yaşlı mütəxəssis Bakı vaxtı ilə saat 19:30-da Tbilisidə mətbuat konfransı təşkil edəcək.
Saat 20:00-da isə komanda qarşılaşmanın keçiriləcəyi Boris Payçadze adına stadionda oyunöncəsi son məşqinə çıxacaq. Məşqin ilk on beş dəqiqəsi mətbuat və azarkeşlər üçün açıq olacaq.
Qeyd edək ki, "Samtredia” – "Qarabağ” matçı sabah saat 21:00-da start götürəcək.
