"Kəpəz” Peşəkar Futbol Klubunun Müşahidə Şurasının (MŞ) sədri Elmir Vəliyev Gəncə şəhər stadionuna baş çəkib.
Sportnet.az-ın klubun rəsmi saytına istinadən məlumatına görə, MŞ-nın sədri arenanın əsas meydançasında görülən işlərlə yerində tanış olub. Klubun icraçı direktoru Cabir İbrahimov aparılan işlərlə bağlı Elmir Vəliyevə məlumat verib.
E.Vəliyev stadionun ərazisində yardımçı meydançaya süni qazonun salınması və bazada təmir işlərinin görülməsi ilə bağlı müvafiq tapşırıqlarını verib.
Qeyd edək ki, stadiona səfər zamanı MŞ-nın sədri Elmir Vəliyevi qurumun üzvü, Gəncə şəhər Gənclər və İdman Baş İdarəsinin rəisi Müşfiq Cəfərov müşayət edib.
