Çində təlim-məşq toplanışında olan İngiltərənin "Arsenal” klubunun bir neçə futbolçusu qidadan zəhərlənib.
Sportnet.az-ın "Sky Sports”a istinadən verdiyi məlumata görə, hadisə iyulun 19-da Beynəlxalq Çempionlar Kubokunda Almaniya təmsilçisi "Bavariya” ilə oyundan əvvəl baş verib.
Nəticədə zərərçəkənlərdən Olivye Jiru və Per Mertezaker meydana çıxa bilməyiblər. Teo Uolkottla Aron Remis fasilədən sonra oyuna qoşulduqları halda, Sead Kolaşinats ilk hissədə əvəzlənib.
Qeyd edək ki, "Arsenal” – "Bavariya” matçında bərabərlik qeyd alınıb (1:1). Qalibi müəyyən etmək üçün penalti seriyasına ehtiyac duyulub və İngiltərə təmsilçisi rəqibini üstələyib – 3:2.
