Azərbaycan Premyer Liqasının II turunda "Zirə”ni qəbul edəcək "Kəpəz” dünəndən qarşıdakı matçın hazırlıqlarına start verib.
Sportnet.az xəbər verir ki, Bakı klubu ilə Yevlaxda üz-üzə gələcək "sarı-göylər” məşqlərə paytaxtda başlayıb. Komanda Azərbaycan Dövlət Bədən Tərbiyəsi və İdman Akademiyasının meydançasında məşq keçir.
"Kəpəz” oyundan öncəki son məşqinə matçın keçiriləcəyi Yevlax şəhər stadionunda çıxacaq. Hazırlıq prosesi saat 17:00-a təyin olunub.
