ABŞ-ın Kaliforniya ştatından olan qadın İspaniyanın "Real Madrid" klubunun futbolçusu Kriştianu Ronaldu ilə gün keçirmək imkanı əldə edib.
Sportnet.az-ın "Bild"ə istinadən məlumatına görə, adı açıqlanmayan həmin şəxs portuqaliyalı hücumçunun təşkil etdiyi xeyriyyə hərracına 32 min avro sərmayə qoyub. İndi amerikalı "Real Madrid"in "Santyaqo Bernabeu"dakı ev oyunlarından birinə VİP kateqoriyalı 2 bilet qazanacaq. O, "kral klubu"nun məşq bazasında vaxtını keçirəcək, Ronaldu ilə şəxsən ünsiyyətdə olacaq və ondan avtoqraf alacaq.
