"Qarabağ"ın futbolçusu Dino Ndlovu bu gün Çinin "Xançjou Qrintaun” komandasının düşərgəsinə yollanacaq.
Ağdam klubundan Sportnet.az-a verilən məlumata görə, cənubi afrikalı hücumçu tibbi baxışdan keçəcək. Proses uğurla tamamlanacağı təqdirdə, 28 yaşlı forvard müqaviləyə imza atacaq. Hazırda müqavilənin şərtləri ilə bağlı iki klub arasında danışıqlar gedir.
Qeyd edək ki, Dino Ndlovunun 750 min avroya transfer olunduğu bildirilir.
