Sloveniyada keçirilən futzal üzrə Avropa çempionatında ikinci finalçı da bəlli olub. Sortnet.az-ın məlumatına görə, ikinci yarımfinal matçında İspaniya və Qazağıstan komandaları üz-üzə gəlib.
Görüşün əsas vaxtı 4:4 hesabı ilə başa çatıb. Belədə qalibi müəyyənləşdirmək üçün əlavə vaxt oynanılıb. Lakin komandalar hərəyə daha 1 qol vurduğundan, yekunda 5:5 hesabı qeydə alınıb. Oyunsonrası penaltilərdə isə daha dəqiq olan ispanlar rəqibini 3:1 hesabı ilə üstələyərək həlledici görüşdə Portuqaliyaya rəqib olub.
