İsveçrənin Nyon şəhərində keçiriləcək Çempionlar Liqasının I təsnifat mərhələsinin püşkatma mərasimində "Qarabağ"ın potensial rəqiblərinin sayı 5-ə enib.
Sportnet.az-ın məlumatına görə, daha yüksək reytinqlilərdən ibarət səpələnmişlər səbətində yer alan Azərbaycan təmsilçisi Makedoniyanın "Şkendiya", Lüksemburqun "Düdelanj", Sloveniyanın "Olimpiya" (Lyublyana), Litvanın "Suduva" və Gürcüstanın "Torpedo" (Kutaisi") komandalarından birinə rəqib olacaq.
Bu mərhələnin ilk oyunları 10-11 iyulda, cavab görüşləri 17-18 iyulda keçiriləcək. Növbəti mərhələyə yüksələcək 16 komandaya daha 4-ü qoşulacaq və II təsnifat mərhələsində 4 cüt formalaşacaq. Mərhələ adlayacağı təqdirdə, "Qarabağ" yenə səpələnmişlər səbətində yer alacaq. Oyunlar isə 24-25 iyul və 31 iyul-1 avqustda keçiriləcək.
Qeyd edək ki, püşkatma mərasimi Bakı vaxtı ilə saat 14:00-da başlanacaq.
