Türkiyənin Bolu bölgəsində təlim-məşq toplanışında olan "Neftçi" bu gün sonuncu yoxlama matçına çıxıb.
Sportnet.az-ın məlumatına görə, paytaxt təmsilçisi Rumıniyanın "Politexnika”sı ilə üz-üzə gəlib. Qarşılaşma "Nefçi"nin 3:1 hesablı qələbəsi ilə başa çatıb. Komandanın qollarını 23-cü dəqiqədə Rəhman Hacıyev, 64-cü dəqiqədə isə Baqali Dabo, 90-cı dəqiqədə isə Rəşad Eyubov vurub.
Qeyd edək ki, "Neftçi" əvvəlki üç yoxlama matçında da qələbə qazanıb. Makedoniyanın "Şkupi” və Rumıniyanın "Dunarya Kalaraşi” klublarını 2:0 hesabı ilə məğlub edən komanda Bosniya və Herseqovina "Çelik”ini 4:1 hesabı ilə üstələyib.
Yoxlama oyunu
5 iyul
18:00. "Neftçi" - "Politexnika" - 3:1
Qol: Rəhman Hacıyev, 23. Baqali Dabo, Rəşad Eyubov, 90
"Neftçi": 1. Səlahət Ağayev, 5. Anton Krivotsyuk, 6. Qoran Paratski, 7. Namik Ələskərov, 9. Baqali Dabo, 10. Dario Frederiko, 15. Ruslan Abışov, 17. Rəhman Hacıyev, 21. Məhəmməd Mirzəbəyov, 25. Kirilo Petrov, 93. Soni Mustivar
Ehtiyat oyunçular: 94. Rəşad Əzizli, 73. Nail Alışov, 4. Rəşad Eyubov, 8. Emin Mahmudov, 18. Tural Axundov, 22. Mirabdulla Abbasov, 28. Slavko Braliç, 36. Xəlil Bəşirov, 37. Vüsal Əskərov, 51. Elçin Əsədov, 70. Əli Şirinov, 77. Elvin Sərkərov
Baş məşqçi: Roberto Bordin
