İspaniyanın "Barselona" klubunun qış transfer pəncərəsində heyətinə qatmaq istədiyi futbolçular müəyyənləşib.
Sportnet.az "Mundo Deportivo"ya istinadən xəbər verir ki, Kataloniya təmsilçisi, əsasən, müdafiə mövqeyini gücləndirmək niyyətindədir. Klubun məşqçilər korpusu komandaya kömək edə biləcək bir neçə oyunçunun siyahısını hazırlayıb.
Hollandiyanın "Ayaks" klubundan Matteis de Liqt, İtaliya "İnter"indən Milan Şkriniar, Almaniya "Leyptsiq"indən Dayo Upamekano və İtaliyanın "Napoli" klubunun üzvü Kalidi Kulibali Kataloniya klubunun siyahısında olan müdafiəçilərdir.
Qeyd edək ki, "Barselona" ötən mövsüm ən çox gəlir əldə edən klub kimi tarixə düşüb.
