İngiltərə "Liverpul”unun futbolçusu Məhəmməd Salah zədələnib.
Sportnet.az xəbər verir ki, ulduz oyunçu Misir yığmasının heyətində xəsarət alıb.
Afrika Kubokunun seçmə mərhələsində Svazilend ilə qarşılaşan "fironlar” 4:1 hesablı qələbə qazanıb. Künc zərbəsindən maraqlı qola imza atan Salah isə zədə səbəbindən oyunu yarımçıq tərk edib.
Misir millisinin baş məşqçisi Svazilendlə cavab matçında Salahın xidmətinə ehtiyac duymayıb və onu zədəsini bərpa etmək üçün klubu "Liverpul”un düşərgəsinə geri yollayıb.
Klubunda tibbi müayinədən keçəndən sonra Salahın vəziyyətinə aydınlıq gələcək.
