Avroliqanın qrup mərhələsinin III turu çərçivəsində keçiriləcək "Qarabağ” – "Vorskla” matçı üçün bilet satışları davam edir.
Sportnet.az klubun rəsmi feysbuk səhifəsinə istinadən xəbər verir ki, artıq qarşılaşmaya 5 min bilet satılıb.
Biletləri həm Qarabağ FK Fan-şop (Park Bulvar), Sumqayıt şəhəri (ASAN Xidmət), 28 Mall, Gənclik Mall, həm də onlayn olaraq iTicket.az saytından almaq mümkündür.
Qiymətlər sektorlara müvafiq olaraq 2, 4, 8, 10 və 50 (VİP) AZN arasında dəyişir.
Qeyd edək ki, Bakı Olimpiya Stadionunda keçiriləcək "Qarabağ” – "Vorskla” matçı 20:55-də start götürəcək.
