"Üç xal qazandığımıza və qalib gəlməyimizə görə çox şadam. Həmişə son saniyəyə qədər mübarizə aparmaq lazımdır".
Sportnet.az xəbər verir ki, bunu "Səbail"in futbolçusu Şəhriyar Rəhimov səfərdə "Zirə"yə 2:1 hesabı ilə qalib gəldikləri Azərbaycan Premyer Liqasının XXII tur matçı barədə klubun rəsmi saytına açıqlamasında deyib. Təcrübəli müdafiəçi növbəti tur "Sabah"la səfər matçının da çətin keçəcəyini bildirib: "Hazırda tamamilə bu oyunun hazırlığına köklənmişik".
Qeyd edək ki, Şəhriyar Rəhimov "Zirə" ilə oyunun 90+3-cü dəqiqəsində qol vuraraq, "Səbail"ə qələbə qazandırıb.
