“İlk görüşdən sonra birinci hissə haqda dediklərimin bu gün əksini etdik. Oyuna nəzarət edə bilmədik, müdafiədə və hücumda çoxlu səhvlərə yol verdik".
Sportnet.az-ın məlumatına görə, bunu futzal üzrə Azərbaycan millisinin baş məşqçisi Joze Alesio Da Silva səfərdə Latviya ilə 2:2 hesablı heç-heçə etdikləri növbəti yoldaşlıq oyunu ilə bağlı affa.az-a açıqlamasında deyib. Braziliyalı mütəxəssis bu dəfə qalib gələ bilməmələrinin səbəbini belə izah edib: "Uşaqlar yorğun idilər, düzgün düşünüb, icra edə bilmədilər. Rəqib isə bu gün çox istəkli idi, demək olar səhvsiz oynadı. Qarşıda daha iki oyunumuz var”.
Qeyd edək ki, Azərbaycan millisi Latviya ilə ilk görüşdə qələbə qazanıb - 3:1.
