Rusiyanın "Lokomotiv" klubu baş məşqçisi Yuri Syominlə yollarını ayırıb.
Sportnet.az-ın Moskva təmsilçisinin rəsmi saytına istinadən məlumatına görə, rəhbərlik mayın 31-də müqaviləsi başa çatacaq mütəxəssislə əməkdaşlığa son qoyub.
Paytaxt klubu xidmətlərinə görə Syominə təşəkkür edib. Təcrübəli mütəxəssisi serbiyalı Marko Nikoliç əvəzləyib. Yeni baş məşqçi işinin icrasına iyunun 1-də başlayacaq.
Qeyd edək ki, Aleksandr Syomin 2013/2014 mövsümündə "Qəbələ"də çalışıb. Onun rəhbərliyi altında "qırmızı-qaralar" Azərbaycan Premyer Liqasının bürünc mükafatçısı və ölkə kubokunun finalçısı olub. Syomin ən böyük uğurlarını "Lokomotiv"də əldə edib. O, 3 dəfə Rusiya çempionluğu, 6 dəfə ölkə kuboku və 3 dəfə Superkubok qazanıb. Ukraynanın "Dinamo" (Kiyev) komandasında işlədiyi vaxt isə Syomin çempionluq və Superkubok titullarına sahib olub.
