UEFA İcraiyyə Komitəsinin videokonfrans formatında iclasında futzalla da bağlı qərarlar qəbul olunub.
Sportnet.az xəbər verir ki, dünya çempionatının pley-off və AVRO-2022-nin ilkin seçmə mərhələsinin pley-off oyunları bu il noyabrın 2-dən 11-dək keçiriləcək.
AVRO-2022-nin əsas qrup mərhələsinin oyunları bu il dekabrın 6-dan gələn il aprelin 14-dək, pley-off qarşılaşmaları isə gələn il noyabrın 14-dən 17-dək təşkil olunacaq.
Qadınlardan ibarət milli komandaların iştirakı ilə AVRO-2022-nin ilkin mərhələsinin görüşləri gələn il mayın 4-dən 9-dək, əsas mərhələsinin oyunları oktyabrın 19-dan 24-dək, final mərhələsinin qarşılaşmaları isə 2022-ci il martın 24-dən 27-dək nəzərdə tutulub.
19 yaşadək futzalçılardan ibarət milli komandaların iştirakı ilə Avropa çempionatının final mərhələsinin oyunları gələn il noyabrın 1-dən 7-dək keçiriləcək.
UEFA Çempionlar Liqasının “Dördlər finalı” bu il oktyabrın 8-dən 11-dək Barselonadakı “Palau Blaugrana”da “Barsa” (İspaniya) – KPRF (Rusiya), “Mursia” (İspaniya) – “Tümen” (Rusiya) matçları ilə davam edəcək. Bu turnirin gələn ilin aprelində keçiriləcək “Dördlər finalı” isə “Minsk Arena”da təşkil ediləcək.
