UEFA Çempionlar Liqasında 2019/2020 mövsümünün sonuncu püşkatması keçirilib. Sportnet.az-ın məlumatına görə, mərasimdə 1/4 final və yarımfinal mərhələlərində üz-üzə gələcək cütlüklər müəyyənləşib.
12-15 avqust
1/4 final
1. "Mançester Siti" (İngiltərə) / "Real Madrid" (İspaniya) cütünün qalibi - "Yuventus" (İtaliya) / "Lion" (Fransa) cütünün qalibi
2. "Leyptsiq" (Almaniya) - "Atletiko" (Madrid, İspaniya)
3. "Barselona" (İspaniya) / "Napoli" (İtaliya) cütünün qalibi - "Bavariya" (Almaniya) / "Çelsi" (İngiltərə) cütünün qalibi
4. "Atalanta" (İtaliya) - PSJ (Fransa)
18-19 avqust
Yarımfinal
1 cütünün qalibi - 3 cütünün qalibi
2 cütünün qalibi - 4 cütünün qalibi
Qeyd edək ki, 1/4 finaldan etibarən qarşılaşmalar Portuqaliyanın paytaxtı Lissabonda "8-lər finalı" formatında keçiriləcək və 1 matçdan ibarət olacaq.
1/8 final mərhələsinin 4 cavab görüşü 7-8 avqust tarixlərində olacaq. Final matçı isə avqustun 23-də baş tutacaq. Həmin qarşılaşmada "Leyptsiq" (Almaniya) / "Atletiko" (Madrid, İspaniya) - "Atalanta" (İtaliya) / PSJ (Fransa) cütləri arasındakı görüşün qalibi nominal meydan sahibi sayılacaq.
------------------------------
Bu gün UEFA Çempionlar Liqasında 2019/2020 mövsümünün sonuncu püşkatması keçiriləcək.
Sportnet.az-ın məlumatına görə, İsveçrənin Nyon şəhərində təşkil olunacaq və Bakı vaxtı ilə saat 14:00-da start götürəcək mərasimdə 1/4 final və yarımfinal mərhələlərində üz-üzə gələcək cütlüklər müəyyənləşəcək.
Püşkatmada eyni ölkə təmsilçiləri bir-birilərinə rəqib ola biləcəklər.
1/4 final mərhələsinin 4 iştirakçısı artıq məlumdur: "Atalanta" (İtaliya), "Atletiko" (Madrid, İspaniya), "Leyptsiq" (Almaniya) və PSJ (Fransa).
Növbəti 4 kollektiv isə 7-8 avqust tarixlərindəki cavab matçlarından sonra bilinəcək. Qarşılaşmalar ev sahibi komandaların meydanlarında oynanılacaq.
"Bavariya" (Almaniya) - "Çelsi" (İngiltərə)
İlk oyun - 3:0
"Barselona" (İspaniya) - "Napoli" (İtaliya)
İlk oyun - 1:1
"Mançester Siti" (İngiltərə) - "Real Madrid" (İspaniya)
İlk oyun - 2:1
"Yuventus" (İtaliya) - "Lion" (Fransa)
İlk oyun - 0:1
1/4 finaldan isə oyunlar Portuqaliyanın paytaxtı Lissabonda "8-lər finalı" formatında keçiriləcək və 1 matçdan ibarət olacaq.
12-15 avqust
1/4 final
18-19 avqust
Yarımfinal
23 avqust
Final
