UEFA Avropa Liqasında Azərbaycanı təmsil edəcək "Neftçi", "Sumqayıt" və "Keşlə"nin oyununa hakim təyinatları bəlli olub.
Sportnet.az-ın məlumatına görə, "Nefçi" - "Şkupi" (Şimali Makedoniya) matçını Latviyadan olan Aleksandr Qolubev idarə edəcək. Ona yan xətt hakimləri Raymond Tatrik və Yevgeni Morozovs yardımçı olacaq. Dördüncü hakim funksiyasını isə Artis Kenin yerinə yetirəcək.
"Sumqayıt" - “Şkendiya” (Şimali Makedoniya) görüşü isə qazaxıstanlı Arman İsmuratova tapşırılıb. Onun köməkçiləri Sergey Vassyutinlə Samat Terqeussizovdur. 4-cü hakim isə Zandos Abzandır.
"Keşlə" - "Laçi" (Albaniya) qarşılaşmasında isə baş hakim gürcüstanlı Georgi Kikaçeişvili olacaq. Davit Qabisoniya və David Axvlediani köməkçi, İrakli Kvirikaşvili isə 4-cü hakim kimi iş başında olacaq.
Qeyd edək ki, hər üç matç avqustun 27-də gerçəkləşəcək.
