Azərbaycan Premyer Liqasında 2020/2021 mövsümünün ilk turunun növbəti oyunu keçirilib.
Sportnet.az-ın məlumatına görə, çempion "Qarabağ" "Azersun Arena"da "Sabah"ı qəbul edib. Görüş meydan sahiblərinin 2:0 hesablı qələbəsi ilə başa çatıb.
İlk qol 45-ci dəqiqədə vurulub. "Qarabağ"ın heyətində Mahir Emreli başla topu rəqib qapısından keçirib. 23 yaşlı hücumçu ikinci hissədə daha bir dəfə fərqlənib. O, 68-ci dəqiqədə əks-hücumu qolla tamamlayaraq dubl edib - 2:0.
Qeyd edək ki, Premyer Liqada yeni mövsümə avqustun 21-də start verilib. "Keşlə" səfərdə "Sumqayıt"a 1:0, "Neftçi" isə evdə "Səbail"ə qalib gəlib - 2:1. Turun son görüşü avqustun 23-də "Qəbələ" və "Zirə" arasında keçiriləcək.
Azərbaycan Premyer Liqası
I tur
22 avqust (şənbə)
20:00. "Qarabağ" – "Sabah" - 2:0
Qollar: Mahir Emreli, 45; 69
Sarı vərəqələr: İsmayıl İbrahimli, 67 (oyun qaydalarının sistematik şəkildə pozulması) - Mario Marina, 75 (qeyri-idman hərəkəti); Xulio Sezar Rodriqez, 77 (qeyri-idman hərəkəti); Təmkin Xəlilzadə, 86 (qeyri-idman hərəkəti)
Artırılan vaxt: I hissədə 1 dəq; II hissədə 3 dəq.
Hakimlər: Rəhim Həsənov, Cəmil Quliyev, Eyyub İbrahimov, Rauf Allahverdiyev
Hakim-inspektor: Anar Salmanov
AFFA nümayəndəsi: Aslan Şahgəldiyev
Stadion: “Azersun Arena”, tamaşaçısız
“Qarabağ”: 12. Emil Balayev 5. Maksim Medvedev (k) 2. Qara Qarayev 55. Bədavi Hüseynov 11. Mahir Emreli (30. Abbas Hüseynov, 87) 9. Xayme Romero (10. Abdullah Zubir, 68) 7. Kvabena Ovusu 8. Uroş Matiç (19. Filip Ozobiç, 59) 77. Donald Qerye 81. Kevin Medina 18. İsmayıl İbrahimli
Ehtiyat oyunçular: 1. Şahruddin Məhəmmədəliyev 94. Ayhan Arazlı 44. Elvin Cəfərquliyev 27. Toral Bayramov 66. Cavid Bayramov 24. Nihad Tamazov 21. Rauf Hüseynli
Baş məşqçi: Qurban Qurbanov
“Sabah”: 1. Saşa Stamenkoviç (k) 19. Təmkin Xəlilzadə 7. Coşqun Diniyev 4. Bəhlul Mustafazadə 90. Ramil Şeydayev (18. Xulio Sezar Rodriqez, 66) 14. Slavik Alxasov 30. Mario Marina 5. Nikola Vuyadinoviç 11. Ozan Can Kökcü (28. Kevin Kubemba, 82) 2. Amin Seydiyev 29. Ceyhun Nuriyev (10. Yevgeni Koçuk, 61)
Ehtiyat oyunçular: 94. Nicat Mehbalıyev 17. Məhəmməd Mirzəbəyov 13. Filip İvanoviç 60. Abbas Ağazadə 38. Arsen Ağcabəyov 66. Abdulax Xaibulayev 33. Camal Cəfərov
Baş məşqçi: Visente Qomez
----------------------
Bu gün Azərbaycan Premyer Liqasında I turun daha bir oyunu keçiriləcək.
Sportnet.az-ın məlumatına görə, son çempion "Qarabağ" yeni mövsümə evdə start verəcək. Ağdam klubu "Azersun Arena"da "Sabah"ı qəbul edəcək.
Komandalar indiyədək çempionatda 7 dəfə üz-üzə gəliblər. Bunların 4-də "Qarabağ" qələbə qazanıbsa, 3 görüş heç-heçə başa çatıb. "Sabah" hələ ki rəqibinə qalib gələ bilməyib. Topların fərqi də Qurban Qurbanovun başçılıq etdiyi komandanın xeyirinədir - 10:2. “Qarabağ” son 4 oyunda qol buraxmayıb.
Qeyd edək ki, Azərbaycan Premyer Liqasında 2020/2021 mövsümünə dünən start verilib. Açılış turunda "Keşlə" səfərdə "Sumqayıt"ı 1:0, "Neftçi" isə evdə "Səbail"i 2:1 hesabı ilə məğlub edib. Tura sabah keçiriləcək "Qəbələ" - "Zirə" matçı ilə yekun vurulacaq.
