"Neftçi"nin Avropa Liqasının II təsnifat mərhələsində Türkiyə "Qalatasaray"ını qəbul edəcəyi Bakı Olimpiya Stadionunda oyuna hazırlıqlar davam edir.
Sportnet.az-ın məlumatına görə, tribunaya hər iki ölkənin və klubların bayraqları yerləşdirilib.
Tribunada Azərbaycanın ümummilli lideri Heydər Əliyevlə Türkiyə Respublikasının qurucusu Mustafa Kamal Atatürkün, həmçinin hər iki ölkənin hazırkı prezidentləri - İlham Əliyev və Rəcəb Tayyib Ərdoğanın sitatlarının yazıldığı pankartlar yer alıb.
Qeyd edək ki, sentyabrın 17-də Bakı Olimpiya Stadionunda keçiriləcək "Neftçi" - "Qalatasaray" oyunu saat 20:00-da başlayacaq.
