FIFA-nın I vitse-prezidenti Valentin Qranatkinin xatirəsinə həsr olunmuş XXVII ənənəvi beynəlxalq turnirdə iştirak edən 1997-ci il təvəllüdlü futbolçulardan ibarət Azərbaycan yığmasının növbəti rəqibləri müəyyənləşib. Sportnet.az-ın AFFA-nın rəsmi saytına istinadən məlumatına görə, mübarizə apardığı F qrupunda birinci yeri tutan yığmamız növbəti oyunlarını D və E qrupunun qalibləri ilə üz-üzə gələcək.
Bunlar Sankt-Peterburq komandası və Cənubi Koreya millisi olacaq. İkinci qrup mərhələsinin H qrupunun Sankt-Peterburq – Azərbaycan oyunu yanvarın 7-də, Azərbaycan – Cənubi Koreya qarşılaşması isə ertəsi gün – yanvarın 8-də, Peterburqkski İdman-Konsert Kompleksində təşkil olunacaq. Hər iki oyun yerli vaxtla saat 16:30-da (Bakı vaxtı ilə saat 17:30) başlayacaq.
