UEFA Avropa Liqasının qrup mərhələsində I tura yekun vurulub.
Sportnet.az-ın məlumatına görə, son olaraq A, B, C və D qruplarında 7 görüş oynanılıb.
Türkiyə təmsilçisi "Fənərbağça" Almaniyada "Ayntraxt"la qarşılaşıb. Oyun 1:1 hesablı heç-heçə ilə başa çatıb. Görüşdə ilk qolu 10-cu dəqiqədə İstanbul klubunun yarımmüdafiəçisi Mesut Özil vurub. Lakin meydan sahibləri 41-ci dəqiqədə Sam Lammerslə tarazlığı bərpa ediblər. Görüşün əsas vaxtına əlavə olunmuş 2-ci dəqiqədə "Fənərbağça"nın heyətində Dmitrios Pelkas penaltidən yararlana bilməyib. Ardınca qonaqların hücumçusu Mergim Berişa hesabı komandasının xeyrinə dəyişsə də, baş hakim qolu hesaba almayıb.
C qrupunda İngiltərənin "Lester Siti" klubu evdə İtaliya "Napoli"si ilə matçda qələbəni əldən verib - 2:2.
---------------------------------
UEFA Avropa Liqasının qrup mərhələsində ilk turun oyunları davam edir.
Sportnet.az-ın məlumatına görə, E, F, G və H qrupunda daha 8 qarşılaşma keçirilib.
Türkiyənin turnirdəki təmsilçilərindən "Qalatasaray" İtaliya "Latsio"sunu qəbul edib. Görüş Istanbul klubunun 1:0 hesablı qələbəsi ilə başa çatıb. Yeganə qolu 67-ci dəqiqədə qonaqların qolkiperi Tomas Strakoşa öz qapısına vurub.
Moskva "Lokomotiv"i isə Rusiyada Fransa "Marsel"i ilə heç-heçə edib - 1:1.
-----------------------------------
Bu gün UEFA Avropa Liqasında qrup mərhələsində ilk turun digər matçları keçiriləcək.
Sportnet.az-ın məlumatına görə, ikinci oyun günündə 8 qrupda 15 qarşılaşma baş tutacaq.
Türkiyənin turnirdəki təmsilçilərindən "Qalatasaray" İtaliya "Latsio"sunu qəbul edəcək. "Fənərbağça" isə Almaniyada "Ayntraxt" (Frankfurt) komandasının qonağı olacaq.
A qrupu
23:00. "Bröndbü" (Danimarka) - "Sparta" (Praqa, Çexiya) - 0:0
23:00. "Reyncers" (Şotlandiya) - "Lion" (Fransa) - 0:2
B qrupu
23:00. "Monako" (Fransa) - "Şturm" (Qrats, Avstriya) - 1:0
23:00. PSV (Eyndhoven, Niderland) - "Real Sosyedad" (İspaniya) - 2:2
C qrupu
23:00. "Lester Siti" (İngiltərə) - "Napoli" (İtaliya) - 2:2
D qrupu
23:00. "Ayntraxt" (Frankfurt, Almaniya) - "Fənərbağça" (Türkiyə) - 1:1
23:00. "Olimpiakos" (Yunanıstan) - "Antverpen" (Belçika) - 1:1
E qrupu
20:45. "Qalatasaray" (Türkiyə) - "Latsio" (İtaliya) - 1:0
20:45. "Lokomotiv" (Moskva, Rusiya) - "Marsel" (Fransa) - 1:1
F qrupu
20:45. "Midtüllan" (Danimarka) - "Lüdoqorets" (Razqrad, Bolqarıstan) - 1:1
20:45. "Srvena Zvezda" (Belqrad, Serbiya) - "Braqa" (Portuqaliya) - 1:1
G qrupu
20:45. "Bayer" (Leverkuzen, Almaniya) - "Ferentsvaroş" (Macarıstan) - 2:1
20:45. "Betis" (İspaniya) - "Seltik" (Şotlandiya) - 4:3
H qrupu
20:45. "Dinamo" (Zaqreb, Xorvatiya) - "Vest Hem" (İngiltərə) - 0:2
20:45. "Rapid" (Vyana, Avstriya) - "Genk" (Belçika) - 0:1
Qeyd edək ki, C qrupunun sentyabrın 15-də keçirilmiş görüşündə Polşa "Legiya"sı Rusiyada "Spartak"ı məğlubiyyətə uğradıb - 1:0.
