Region Liqasında keçirilən "Göyəzən" - "Şəki" oyununda maraqlı hadisə yaşanıb.
Sportnet.az xəbər verir ki, qonaq komanda oyuna formasız gəlib. Kollektiv üçün Bakıdan forma gətirən əsas heyətin 4 oyunçusunun gəldiyi avtomobil qəzaya düşüb. Nəticədə nasaz vəziyyətdə yoluna davam edən maşın Qazağa vaxtında çata bilməyib.
"Göyəzən"in prezidenti Mehdi Salmanov bir dəst formanı rəqibə verərək oyunun baş tutmasını təmin edib.
Qeyd edək ki, görüş yerli komandanın qələbəsi ilə yekunlaşıb - 7:3.
